काठमाडौं – यदि तपाईं पनि इन्स्टाग्राममा रिल्स हेर्न मन पराउनुहुन्छ र प्रायः आफ्ना साथीहरूलाई मजेदार भिडियोहरू पठाउनुहुन्छ भने, तपाईंको लागि एउटा खुसीको खबर छ। इन्स्टाग्रामले हालै आफ्नो एपमा एउटा शानदार फीचर लन्च गरेको छ, जसलाई ‘Blend’ भनिन्छ।
के हो ‘Blend’ फीचर?
इन्स्टाग्रामको ‘Blend’ फीचर एक प्रकारको “साथीत्वपूर्ण फिड” हो। यसमा तपाईं र तपाईंको कुनै खास साथी मिलेर रिल्स हेर्न सक्नुहुन्छ, जुन दुवैको रुचिमा आधारित हुन्छन्।
अर्थात्, यदि तपाईंलाई कमेडी मन पर्छ र तपाईंको साथीलाई ट्रेन्डी डान्स भिडियोहरू मन पर्छ भने, ‘Blend’ फिडमा तपाईंहरू दुवैको रुचि अनुसारको कन्टेन्ट देखिनेछ।
कसरी गर्ने ‘Blend’ को प्रयोग?
१. इन्स्टाग्राममा त्यो साथीलाई इन्भाइट पठाउनुहोस् जससँग तपाईं ‘Blend’ गर्न चाहनुहुन्छ।
२. जब उसले इन्भाइट एक्सेप्ट गर्छ, तपाईं दुवैको लागि एउटा विशेष ‘Blend’ फिड तयार हुनेछ।
३. यो फिडमा देखिने रिल्सहरू तपाईं र तपाईंको साथीको रुचि अनुसार कस्टमाइज गरिएका हुनेछन्।
४. तपाईंले यसलाई इन्स्टाग्राम च्याटमार्फत एक्सेस गर्न सक्नुहुन्छ।
यस फिचरको फाइदा के हो?
अब Reels हेर्ने रमाइलो अनुभव झन् व्यक्तिगत र रमाइलाे बन्नेछ। एकै किसिमका वा अचम्म लाग्ने Reels हेर्दै च्याटमा मस्ती गर्नु अझ सजिलो हुनेछ। यो फिचर विशेषगरी उनीहरूका लागि उपयुक्त छ जो सामाजिक सञ्जालमा केवल स्क्रोलिङ मात्र होइन, साथीभाइसँग रमाइलो अनुभव सँगै बाँड्न चाहन्छन्।
